ქუთაისის N4 საჯარო სკოლის პედაგოგები მოსწავლეებს წიგნებს სხვადასხვა სახალისო აქტივობის მეშვეობით აყვარებენ. ბავშვები კი ამ აქტივობებში დიდი ენთუზიაზმით ერთვებიან.
ამჯერად, სკოლის V კლასის მოსწავლეებმა წიგნისა და საავტორო უფლებების საერთაშორისო დღე საინტერესოდ აღნიშნეს.
მათ სკოლაში მიიტანეს თავიანთი საყვარელი ნაწარმოებები, წაიკითხეს ნაწყვეტები, მეგობრებს გაუზიარეს შთაბეჭდილებები და დაასაჩუქრეს ერთმანეთი წიგნებით.
აქტივობები მოსწავლეთათვის ძალიან საინტერესო აღმოჩნდა. მათ კიდევ ერთხელ გააანალიზეს, თუ რამდენად მნიშვნელოვანია წიგნების კითხვა ადამიანების მრავალმხრივ განვითარებისთვის.
შეგახსენებთ, რომ 23 აპრილს მსოფლიოში წიგნისა და საავტორო უფლებების საერთაშორისო დღეს აღნიშნავენ. თარიღი „იუნესკომ“ აირჩია და წიგნის საერთაშორისო დღედ გამოაცხადა.
იხილეთ ფოტოები: