ანდრიაწმინდის საჯარო სკოლის მოსწავლეთა ხელით შექმნილი სააღდგომო დეკორაციები და სხვა საინტერესო აქტივობები
ახალციხის მუნიციპალიტეტის სოფელ ანდრიაწმინდის საჯარო სკოლის პედაგოგები მოსწავლეებს სხვადასხვა დღესასწაულსა თუ ტრადიციაზე ინფორმაციას აწვდიან. ამჯერად, მათ მასწავლებლები აღდგომის ბრწყინვალე დღესასწაულის მნიშვნელობაზე ესაუბრნენ, შემდეგ კი, სიმბოლურად, კვერცხებიც შეღებეს.
ბავშვები ყველა აქტივობაში ხალისითა და ინტერესით ჩაერთნენ. მათ დრო ნაყოფიერად გაატარეს, საინტერესოდ ისაუბრეს და შეღებილი კვერცხები მათივე ხელით დათესილ მწვანე ჯეჯილში მოათავსეს.
როგორც სკოლაში გვიყვებიან. ასეთი აქტივობები ხელს უწყობს მოსწავლეებში ცნობიერების ამაღლებასა და დღესასწაულის არსის უკეთ გაგებას.
იხილეთ ფოტოები: