ახალქალაქის მუნიციპალიტეტის სოფელ ოკამის N1 საჯარო სკოლის პირველკლასელებმა „ანბანის გაცილება“ მოაწყვეს.

მოსწავლეებმა ღონისძიება სკოლის ეზოში წარადგინეს, სადაც ფერადი ბუშტებითა და მრავალფეროვანი დეკორაციებით შთამბეჭდავი გარემო იყო შექმნილი.

მოსწავლეებიც ამ დღისთვის საგანგებოდ გამოეწყვნენ და მუსიკალური და ქორეოგრაფიული ელემენტებით გაჯერებული სანახაობა დადგეს.

აღსანიშნავია, რომ მოსწავლეთა წარმოდგენამ დამსწრეთა დიდი მოწონება დაიმსახურა.

ღონისძიებას მასწავლებელი მზიური ოქროაძე ხელმძღვანელობდა.

იხილეთ ფოტო და ვიდეომასალა: