მაღლაკის N2 საჯარო სკოლაში ინტელექტუალური შეჯიბრი გაიმართა
27-10-2023
წყალტუბოს მუნიციპალიტეტის სოფელ მაღლაკის N2 საჯარო სკოლის ნიჭიერი და შრომისმოყვარე მოსწავლეები გამოწვევებს არ უშინდებიან და სხვადასხვა მნიშვნელოვან აქტივობაში მონდომებით ერთვებიან.
ამჯერად, სკოლაში ინტელექტუალური შეჯიბრი - „ტვინების ბრძოლა“ გაიმართა. მე-6, მე-7 და მე-8 კლასების მოსწავლეები მის მიმდინარეობაში მონდომებით ჩაერთნენ, შესაძლებლობები წარმოაჩინეს, დრო ნაყოფიერად გაატარეს და საბოლოოდ, გამარჯვებული გამოვლინდა.
ღირსეული გამარჯვება მე-7 კლასის მოსწავლეთა გუნდმა „არწივები“ მოიპოვა.
აღსანიშნავია, რომ სკოლაში მოსწავლეთა ინტერესებსა და განვითარებაზე მორგებული გარემოა შექმნილი.