გარდაბნის მუნიციპალიტეტის სოფელ მუღანლოს საჯარო სკოლის მოსწავლეები სხვადასხვა საგანმანათლებლო პროექტსა და ღონისძიებაში მონდომებით ერთვებიან.
მათ შორისაა მოსწავლე შუქუფა გასანოვა, რომელიც მოსწავლეთა 77-ე სასწავლო-კვლევითი კონფერენციაში წარმატებით მონაწილეობდა.
კონფერენციის მთავარი თემა: „მდგრადი განვითარების მიზნების ხელშეწყობისა და თანამედროვე გლობალური პრობლემური საკითხების გადაჭრა“, გახლდათ.
სკოლაში, მოსწავლეს კონფერენციაში წარმატებით მონაწილეობას ულოცავენ.
„ვულოცავ ჩვენს აზერბაიჯანელ მოსწავლეს - შუქუფა გასანოვას ფინალურ ეტაპზე სამოქალაქო განათლების სექციაში მიღწეულ წარმატებას, რაც ჩვენი ერთობლივი შრომის დიდი შედეგია!“, - აღნიშნავენ სკოლაში.
კონფერენცია ეროვნული სასახლის ორგანიზებითა და საქართველოს საპატრიარქოს წმ. ანდრია პირველწოდებულის სახელობის ქართული უნივერსიტეტის მხარდაჭერით იმართება.
იხილეთ ფოტოები: