2019 წელს უმაღლეს საგანმანათლებლო დაწესებულებებში სწავლის გაგრძელების უფლება 28 740-მა აბიტურიენტმა მოიპოვა, რაც იმას ნიშნავს რომ უმაღლეს სასწავლებლებში გამოცდებზე რეგისტრირებული აბიტურიენტების დაახლოებით 71%-მა ჩააბარა.
აღნიშნულის შესახებ ბრიფინგზე შეფასებისა და გამოცდების ეროვნული ცენტრის ხელმძღვანელმა, სოფო გორგოძემ განაცხადა.
მისი თქმით, სახელმწიფო გრანტი 6 546-მა აბიტურიენტმა მოიპოვა; სახელმწიფოს მიერ დაფინანსებულ საგანმანათლებლო პროგრამებზე 4 777 სტუდენტი ჩაირიცხა; ქართული ენის მოსამზადებელ პროგრამაზე კი - 1 335 აბიტურიენტი.