ბათუმის N8 სკოლის მოსწავლეები სააღდგომო კონკურსს მრავალფეროვანი ინგლსიურენოვანი აქტივობებით შეუერთდნენ
08-05-2024
ბათუმის N8 საჯარო სკოლის მიზანდასახული, აქტიური და ნიჭიერი მოსწავლეები გამოწვევებს არ უშინდებიან და პედაგოგთა ხელმძღვანელობით, არაერთ საინტერესო ღონისძიებასა თუ პროექტში მონაწილეობენ.
ამჯერად ისინი English Book Education-ის ორგანიზებულ სააღდგომო კონკურსში ჩაერთნენ. მის ფარგლებში, უმნიშვნელოვანეს ქრისტიანულ დღესასწაულთან დაკავშირებით, მე-10ბ კლასმა შექმნა ანიმაცია, რომელიც მოსწავლეებმა ინგლისურად გაახმოვანეს. მათ ინფორმაცია თემაზე - „აღდგომა საქართველოში, საბერძნეთში, უკრაინასა და ამერიკაში“ საკმაოდ საინტერესოდ წარმოაჩინეს.
მე-10ა კლასმა კი სააღდგომო ტრადიციების შედარებითი ანალიზი Power Point-ში, პრეზენტაციის სახით, მოამზადა. გარდა ამისა, მე-6ვ, მე-7დ, მე-8გ, მე-8დ კლასების მოსწავლეებმა თემატური კრეატიული პოსტერები შექმნეს. მათ ინგლისურის მასწავლებელი ია ბლაგიძე ხელმძღვანეობდა.
აღსანიშნავია, რომ მე-7ვ და მე-8ბ კლასში წამახალისებელი აქტივობები განხორციელდა. მოსწავლეებმა სხვადასხვა ქვეყანაში სააღდგომო წეს-ჩვეულებებზე მოძიებული ინფორმაცია განიხილეს და ადგილზე პოსტერები შექმნეს. ისინი აქტივობაში მასწავლებელ ნანა პაპუნიძის ხელმძღვანელობით ჩაერთნენ.
„სკოლა ყველა ზემოთ აღნიშნული პროექტით English Book Education-ის მიერ ორგანიზებულ სააღდგომო კონკურსში მონაწილეობს“,- ამბობენ სკოლაში.