საქართველოს საპატრიარქოს წმინდა იოანე ბოლნელის სახელობის სკოლის პედაგოგები კარიერულ წინსვლასა და განვითარებაზე არიან ორიენტირებულნი. ისინი სხვადასხვა კონფერენციასა და კონკურსში ენთუზიაზმით ერთვებიან.
მათ შორის იყო მასწავლებელთა კონფერენცია „მოსწავლეზე ორიენტირებული მიდგომები ქართული ენისა და ლიტერატურის სწავლებისას“.
კონფერენცია 21 აპრილს საქართველოს პარლამენტის ეროვნული ბიბლიოთეკის საკონფერენციო დარბაზში ჩატარდა. კონფერენცია საქართველოს სახელმწიფო ენის მასწავლებელთა ასოციაციისა და სულაკაურის გამომცემლობის ეგიდით გაიმართა.
კონფერენციაში მონაწილეობდა სკოლის ქართული ენისა და ლიტერატურის პედაგოგი ლიკა დევნოზაშვილი, რომელიც საუკეთესო მოხსენების წარდგენისთვის დაჯილდოვდა სპეციალური პრიზით.
„ძალიან გვახარებს ჩვენი პედაგოგის წარმატება“, - აღნიშნავენ სკოლაში.
იხილეთ ფოტოები: