თეთრიწყაროს მუნიციპალიტეტის სოფელ ღოუბნის საჯარო სკოლაში დიდი ყურადღება ეთმობა მოსწავლეთა წახალისებას აქტიურად ჩაერთონ საგანმანათლებლო ინიციატივებში და თავიანთი შესაძლებლობები წარმოაჩინონ.
ამჯერად, სკოლაში ჩატარდა გუნდური ინტელექტუალური თამაში - „ტვინების ბრძოლა“, რომელშიც მონაწილეობა მიიღო სკოლის ხუთმა გუნდმა.
მოსწავლეები პასუხობდნენ წამყვანის მიერ დასმულ ლოგიკურ და ანალიტიკურ უნარებზე გათვლილ კითხვებს.
გამარჯვებულად გამოვლინდა გუნდები: „მერცხლები“ და „მგლები“, რომლებიც მიიღებენ მონაწილეობას სკოლებს შორის გამართულ ჩემპიონატში.
სკოლაში მოსწავლეებს წარმატებასა და წინსვლას უსურვებენ.
იხილეთ ფოტოები: