გორის მუნიციპალიტეტის სოფელ არბოს საჯარო სკოლაში მოსწავლეთა სპორტითა და ჯანსაღი ცხოვრების წესით დაინტერესებას დიდი ყურადღება ექცევა.
სასწავლო პროცესი კი შესაბამისი აქტივობებითაა გაჯერებული. ამჯერადაც, სკოლაში სპორტულ-გასართობი შეჯიბრი ჩატარდა. მის ფარგლებში, ერთმანეთს მე-2, მე-3, მე-4, მე-5 და მე-6 კლასების მოსწავლეები ეჯიბრებოდნენ.
ისინი აქტივობებში ხალისით ჩაერთნენ, შესაძლებლობები გამოავლინეს და დრო ძალიან სასიამოვნოდ გაატარეს.
აღსანიშნავია, რომ თითოეული მოსწავლე შესაბამის ფორმაში გამოეწყო და შეჯიბრმა წარმატებით ჩაიარა.
იხილეთ ფოტოები: