ასპინძის მუნიციპალიტეტის სოფელ ნიჯგორის საჯარო სკოლაში დედამიწის დღეს მრავალფეროვანი აქტივობები მიეძღვნა.
ამ დღესთან დაკავშირებით, მოსწავლეებმა თემატური ნამუშევრები შექმნეს, შემოქმედებითი უნარები წარმოაჩინეს და კიდევ ერთხელ აღნიშნეს, რომ გარემოს მოვლა და მოფრთხილება სჭირდება.
დედამიწის დღისადმი მიძღვნილ ღონისძიებაზე, მოსწავლეებმა, ასევე იმღერეს, იხალისეს და დრო ნაყოფიერად გაატარეს.
აქტივობებში ისინი დიდი ენთუზიაზმით, ხალისითა და მონდომებით იყვნენ ჩართულნი.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტო-ვიდეომასალა: