მცხეთის წმინდა ათორმეტ მოციქულთა სახელობის მართლმადიდებლურ საშუალო სკოლაში „მდგრადი განვითარების მიზნების“, კლუბი აქტიურ საქმიანობას ეწევა.
აღსანიშნავია, რომ კლუბი მნიშვნელოვან ყურადღებას უთმობს ისეთ გარემოსდაცვით ღონისძიებებს, როგორიცაა: ნარჩენების სეპარირება, სუფთა ენერგიის გამოყენება, ნერგების დარგვა და სხვ.
ამჯერად, კლუბის ლიდერმა მოსწავლეებმა დედამიწის დღეს საინტერესო ღონისძიება მიუძღვნეს, გარემოს დაცვითი მიმართულებებიდან მათ აირჩიეს ნერგების დარგვა, დაგეგმეს პროექტი - „გავუფრთხილდეთ და მოვუაროთ მწვანე დედამიწას“.
მოსწავლეები შუაგულის სანერგე მეურნეობაში, ვიზიტის ორგანიზატორ, კლუბის ხელმძღვანელ ქეთევან რაზმაძესთან და მასწავლებლებთან: თეონა ბენდიანაშვილთან, ნატალია შიოლაშვილთან და ნონა ელკანიშვილთან ერთად, მიწვეული სკოლის სტატუსით იმყოფებოდნენ.
მოსწავლეებმა ხალისით განახორციელეს პროექტის მიზანი - „დარგე ხე შუაგულის სანერგეში“.
სკოლა მადლობას უხდის შუაგულის სანერგე მეურნეობის ადმინისტრაციის წარმომადგენლებს თანამშრომლობისათვის.
იხილეთ ფოტოები: