„ხელოვნების ძალა!“ - წყალტუბოს N1 საჯარო სკოლის IV კლასის მოსწავლეთა საინტერესო შემაჯამებელი გაკვეთილი
ოტია იოსელიანის სახელობის ქალაქ წყალტუბოს N1 საჯარო სკოლაში მორიგი საინტერესო და გამორჩეული აქტივობა გაიმართა.
კერძოდ, IVა კლასის მოსწავლეები (კლასის ხელმძღვანელი - ე.მეტრეველი) წიგნის ჩუქების დღესთან დაკავშირებით, სკოლის ბიბლიოთეკას ესტუმრნენ. იქ მშობლიურ ენაში შემაჯამებელი გაკვეთილი - „ხელოვნების ძალა!“ ჩატარდა, დაისვა უამრავი კითხვა და ყველა მათგანს დამაკმაყოფილებელი, შთამბეჭდავი პასუხი გაეცა.
ღონისძიების მონაწილეთა ძალისხმევით, შეხვედრამ თბილ, მეგობრულ და საქმიან ატმოსფეროში ჩაიარა. თითოეულმა მოსწავლემ საკუთარი წიგნის პრეზენტაცია გამართა.
მათი დავალება იყო, დაეწერათ ზღაპარი, სადაც ნაჩვენები იქნებოდა, თუ როგორ შეცვალა ხელოვნების ძალამ მოქმედი პირი. მოსწავლეებმა ქართული ხალხური ზღაპრის დასაწყისი და დასასრული გამოიყენეს.
მოსწავლეებმა მკითხველებს ასეთი მეგობრული რჩევა დაუტოვეს - „წაიკითხეთ წიგნები, უკეთესად იქნებით“.
„ბოლოს კი, კლასის სახელით, საკუთარი ხელით შექმნილმა ილუსტრირებულმა წიგნებმა და ზიგმუნდ ფროიდის კრებულმა ბიბლიოთეკაში დაიდეს ბინა“,- აღნიშნავენ სკოლაში.
იხილეთ ფოტოები: