კატნატუს საჯარო სკოლაში, დედამიწის დღესთან დაკავშირებით, დასუფთავების აქცია გაიმართა
23-04-2024
ნინოწმინდის მუნიციპალიტეტის სოფელ კატნატუს საჯარო სკოლის მოსწავლეები სხვადასხვა სასკოლო აქტივობაში მონდომებით ერთვებიან.
ამჯერად, სკოლაში, დედამიწის დღესთან დაკავშირებით, შაბათობა გაიმართა, რომლის სლოგანიც იყო - „დავიცვათ სისუთავე“. დასუფთავების აქცია პედაგოგების ორგანიზებითა და მოსწავლეთა მონაწილეობით ჩატარდა. აღსანიშნავია, რომ მასში სკოლის ყველა თანამშრომელი აქტიურად ჩაერთო.
„დასუფთავების აქცია მოსახლეობისთვის ჯანსაღი გარემოს შექმნის ხელშეწყობის მიზნით ჩატარდა“,- ამბობენ სკოლაში.
შეგახსენებთ, რომ დედამიწის დღე ყოველწლიური ღონისძიებაა, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად 1970 წელს აღინიშნა.
იხილეთ ფოტოები:
სკოლების სიახლეები
