ყვარლის მუნიციპალიტეტის სოფელ გავაზის საჯარო სკოლაში ფერადი, მხიარული და საინტერესო აქტივობებით გაჯერებული ღონისძიება გაიმართა.
ღონისძიება - „დედა სიცოცხლის და სიყვარულის წყაროა!“ Iბ კლასის მოსწავლეებმა კლასის დამრიგებლის - დალი რევაზიშვილის ხელმძღვანელობით, ჩაატარეს. მის წარმართვაში აქტიურად მონაწილეობდნენ მშობლები, ასევე, მუსიკის და ხელოვნების მასწავლებლები - სოფიო ბეგაშვილი და ქეთევან ქურდაძე.
აღნიშნულ ღონისძიებაზე მოსწავლეებმა მშობლები და პედაგოგები მიიწვიეს. სკოლის დირექტორმა - ლელა კაპანაძემ დამსწრე საზოგადოებას დედის დღე გულთბილად მიულოცა. ბავშვებმა ლექსები წაიკითხეს, იმღერეს და მისალოცი ბარათები დაამზადეს. მათ შესაძლებლობები წარმატებით გამოავლინეს.
„ღონისძიება იყო მეტად ამაღელვებელი და უსაზღვრო ემოციით სავსე“,- ამბობენ სკოლაში.
იხილეთ ფოტოები: