სსიპ ნინოწმინდის მუნიციპალიტეტის სოფელ გორელოვკის N1 საჯარო სკოლა რუსულენოვანია. სკოლაში ერთად სწავლობენ სხვადასხვა ეროვნების მოსწავლეები. ამჟამად სკოლაში სწავლობს 58 მოსწავლე, მათ აღზრდა განათლებაზე ზრუნავს 23 პედაგოგი, მათგან 10 უფროსი და ერთი წამყვანი მასწავლებელია. სკოლაში ფუნქციონირებს: პედაგოგიური საბჭო, სამეურვეო საბჭო, დისციპლინარული კომიტეტი, მრჩეველთა საბჭო, სკოლას ჰყავს უსაფრთხოებასა და საზოგადოებრივ წესრიგზე პასუხისმგებელი პირი.

სკოლასთან მჭიდროდ თანამშრომლობენ მშობლები და ადგილობრივი თვითმმართველობის წარმომადგენლები. ჩვენთან სუფევს თბილი და მეგობრული ურთიერთდამოკიდებულება.

სსიპ ნინოწმინდის მუნიციპალიტეტის სოფელ გორელოვკის N1 საჯარო სკოლა გაიხსნა 1903 წელს, ეთნიკური რუსი მოსახლეობის დუხობორებისთვის.  მას ეწოდებოდა სახალხო სასწავლებელი და პირველი მასწავლებელი იყო ანნა გოვოლაჩოვა. სკოლა პირველად იყო ოთხწლედი, 1921 წლიდან სკოლა გახდა შვიდწლედი,  ხოლო 1939 წლიდან სკოლა არის საშუალო.

2018 წელს სკოლას მიენიჭა „კულტურული მემკვიდრეობის ძეგლის“ სტატუსი. ჩვენი სკოლის  ბევრი კურსდამთავრებული გახდა წარმატებული ადამიანი.

2023 წელს მიმდინარე წელს სკოლა არის იუბილარი, გახსნიდან 120 წლისთავი უსრულდება.

70-იან 80-იან წლებში სკოლაში ირიცხებოდა დაახლოებით 250-300 მოსწავლე, 90-იანი წლების მოსახლეობის მიგრაციის შედეგად სკოლა გახდა მცირეკონტინგენტიანი, ამჟამად სკოლაში სწავლობს სხვადასხვა ეროვნებისა და რელიგიური აღმსარებლობის  მოსწავლე. სკოლას ემსახურება 22  პედაგოგი, აქედან 10  არის უფროსი და ერთი წამყვანი სტატუსის მქონე მასწავლებელი. 

მოსწავლეთა სწავლისა და განვითარებისათვის სკოლაში შექმნილია უსაფრთხო გარემო. ხდება მატერიალურ ტექნიკური ბაზის განახლება, მასწავლებლებისა და მოსწავლეთათვის ხელმისაწვდომია უწყვეტი ინტერნეტი და კომპიუტერები. სკოლა აქტიურად მონაწილეობს შიდა სასკოლო და მუნიციპალიტეტის მიერ ორგანიზებულ ღონისძიებებში, აგრეთვე განათლებისა და მეცნიერების სამინისტროს მიერ გამოცხადებულ ეროვნულ კონკურსებში.

სსიპ ნინოწმინდის მუნიციპალიტეტის სოფელ გორელოვკის N1 საჯარო სკოლის მოსწავლეები აქტიურად არიან ჩართული როგორც განათლების სამინისტროს, აგრეთვე სხვადასხვა ორგანიზაციის მიერ გამოცხადებულ კონკურსებსა და პროექტებში.

აქტიურ მონაწილეობას იღებენ  სპორტულ ოლიმპიადებსა და ღონისძიებებში. მონაწილეობენ  ნინოწმინდის მუნიციპალიტეტის მერიის მიერ ორგანიზებულ ღონისძიებებში - ესეების კონკურსი, ნახატების გამოფენა და სხვა.

იხილეთ პროექტების ჩამონათვალი:

1. ნინოწმინდის მუნიციპალიტეტის მერიის მიერ ორგანიზებული პროექტები;

2. „ჩვენ ვსწავლობთ ჭადრაკს“ - პირველკლასელებისათვის განკუთვნილი პროექტი;

3. სკოლა მონაწილეობდა კონკურსში „ვასურათებთ მსოფლიო ხალხთა ზღაპრებს“;

4. მუნიციპალიტეტის მასშტაბით ხატვის კონკურსში „ჩვენი მხარე“ საუკეთესო ოცეულში მოხვდა სკოლის მე-11 კლასის მოსწავლე, დიანა ზოროღლიანი.