დაბა მანგლისის N1 სკოლის მკითხველთა კლუბის წევრებმა ნოდარ დუმბაძის „მე ვხედავ მზეს“ განიხილეს
თეთრიწყაროს მუნიციპალიტეტის დაბა მანგლისის N1 საჯარო სკოლაში სასწავლო წელი საინტერესო აქტივობებითაა გაჯერებული.
ამჯერად, სკოლაში მოსწავლეთა თვითმმართველობამ მკითხველთა კლუბი ჩამოაყალიბა. კლუბის წევრებმა ნოდარ დუმბაძის ნაწარმოები „მე ვხედავ მზეს“ წაიკითხეს, ფილმიდან მონაკვეთს უყურეს და განიხილეს. მოსწავლეებმა საინტერესოდ ისაუბრეს, შესაძლებლობები გამოავლინეს და ცოდნა ერთმანეთს გაუზიარეს.
მოსწავლეებმა პარალელები წიგნში წაკითხულ და თანამედროვე გაკვეთილს შორის გაავლეს, განსაკუთრებით ყურადღება ინკლუზიურ სწავლებაზე გაამახვილეს. ისაუბრეს სიკეთეზე, ტოლერანტობაზე, სიყვარულზე და საუკეთესო მომავლის მოლოდინზე.
იხილეთ ფოტოები: