რუსთავის N9 საჯარო სკოლაში პროექტი: „ხელნაკეთი საახალწლო სათამაშოებისა და დეკორაციების გამოფენა-გაყიდვა“ განხორციელდა. 

პროექტი საქველმოქმედო ხასიათს ატარებდა. 

მოსწავლეები და მასწავლებლები მთელი თვის მანძილზე ემზადებოდნენ გამოფენისთვის. 

გამოფენა-გაყიდვა სკოლის ფოიეში გაიმართა, რომელშიც აქტიურად მონაწილეობდნენ მოსწავლეები, მათი მშობლები, მანდატურები, პედაგოგები და საერთოდ, თემის წარმომადგენლები. 

შემოსული თანხით პროექტის ორგანიზატორებმა შეიძინეს ტკბილეულობა და საახალწლო საჩუქრები მოსწავლეებისთვის სოციალურად დაუცველი ოჯახებიდან. 

მოსწავლეებს საჩუქრები კონკურსის „სკოლის გამორჩეული“ ფინალის წინ გადასცეს. 

იხილეთ ფოტოები