მარნეულის მუნიციპალიტეტის, ოფრეთის საჯარო სკოლის მოსწავლეები, ქართულის, როგორც მეორე ენის კონსულტანტ- მასწავლებელის თინა ბაწაშვილის ხელმძღვანელობით, სულხან-საბა ორბელიანის ლიტერატურულ მუზეუმში იმყოფებოდნენ.

ექსკუსრია მკითხველებისთვის სულხან-საბა ორბელიანის 360 წლის იუბილესთან დაკავშირებით მარნეულის საჯარო ბიბლიოთეკამ მოაწყო. ექსკურსიაზე ოფრეთის საჯარო სკოლის მოსწავლეებთან ერთად მარნეულის მუნიციპალიტეტის სხვადასხვა სკოლის მოსწავლეებიც იმყოფებოდნენ. 

სკოლის აღსაზრდელებმა მუზეუმში დაცული სულხან-საბა ორბელიანისა და მისი ნაწარმოებების თემებზე შექმნილი ქართველის მხატვრების ფერწერული, გრაფიკული  ნამუშევრები, ფოტომასალები, დოკუმენტები, სულხან-საბას ნაწარმოებების სხვადასხვა პერიოდის გამოცემები დაათვალიერეს. შემდეგ მოსწავლეებმა სამახსოვრო ფოტოები გადაიღეს, უკან გზაზე კი მჟავე წყლები დააგემოვნეს.

სკოლის წარმომადგენლის თქმით, ექსკურსია მოსწავლეებისთვის სურპრიზებით სავსე აღმოჩნდა , განსაკუთრებით კი იუბილარი ქრისტინე ლავრენტიევასთვის, რომელსაც სკოლის დირექციამ სიმბოლური საჩუქარი გაუკეთა. 

სკოლის დირექცია მადლობას უხდის მარნეულის საჯარო ბიბლიოთეკის წამომადგენლებს საინტერესო ექსკურსიისთვის.

იხილეთ ფოტოები