წყალტუბოს N1 საჯარო სკოლაში მეწარმე მოსწავლეთა ხელნაკეთი ნივთების გამოფენა ჩატარდა
ოტია იოსელიანის სახელობის ქალაქ წყალტუბოს N1 საჯარო სკოლა როგორც ყოველთვის, ახლაც მოწოდების სიმღლეზეა.
კრეატიული მასწავლებლები და შემოქმედებითი ნიჭით დაჯილდოებული მოსწავლეები ემზადებიან „მასშტაბური შემოქმედებითი ღონისძიება-გამოფენისთვის“, რომელიც პროექტ - Education Werk IN KUTAISI 2024-ის ფარგლებში, 11 მაისს, სასტუმრო West InnGeorgia-ში გაიმართება.
მისი ორგანიზატორია საქართველოს განათლებისა და ბიზნესის აკადემია, მარიამ გეთიაშვილის ხელმძღვანელობით.
ამ მიზნით, სკოლაში მეწარმე მოსწავლეთა ხელნაკეთი ნივთების გამოფენა ჩატარდა, რომელსაც ესთეტიკის კათედრა ხელმძღვანელობდა და შემდეგ მიზნებს ემსახურებოდა:
1. ქუთაისის გამოფენისთვის საუკეთესო ნამუშევრების არჩევა;
2. გარემოსდაცვითი კულტურის ამაღლებას, რაც გამოიხატა იმით, რომ მეწარმე გოგოებმა საყოფაცხოვრებო ნარჩენებს ახალი სიცოცხლე შესძინეს და შექმნეს კრეატიული ნივთები.
გამოფენას სკოლის დირექტორი - ფაქიზო ფანჩულიძე, სკოლის სასწავლო ნაწილის გამგე - დ.სილაგაძე, პედაგოგები, მოსწავლეები და მოსწავლეთა მშობლები ესწრებოდნენ. საპატიო სტუმრები კი იყვნენ სკოლის კურსდამთავრებულები - ევროპის ჩემპიონი ძალასნობაში მარიამ მაისურაძე და საქართველოს ჩემპიონი ძალოსნობაში ლუკა ქაშიბაძე.
დამსწრე საზოგადოებამ გამოფენა დადებითად შეაფასა და სამომავლო წარმატებები უსურვა „ერთ მუჭად“ სკოლას.
იხილეთ ფოტოები: