ონის მუნიციპალიტეტის სოფელ ღების საჯარო სკოლაში დედამიწის დღის აღნიშვნას შეუერთდნენ.
თარიღთან დაკავშირებით, გეოგრაფიის პედაგოგმა გიორგი ლობჯანიძემ თემატური პრეზენტაცია ჩაატარა. ის ინტერაქტიურად, კითხვა - პასუხის რეჟიმში წარიმართა. ღონისძიებაზე ვიდეოანიმაციებიც უჩვენეს, რომელშიც პლანეტის დაცვის საკითხში ადამიანის როლი იყო ასახული.
როგორც სკოლაში გვიყვებიან, მოსწავლეებმა გაიგეს, რომ წლევანდელ დედამიწის დღეს აერთიანებს მოწოდება - პლანეტა პლასტმასის წინააღმდეგ.
„მოსწავლეებმა გამოიმუშავეს გარემოსდაცვითი უნარები, რის შემდეგაც ერთიანი ძალებით დავიცავთ ჩვენს საცხოვრებელ სახლს“,- ამბობენ სკოლაში.
შეგახსენებთ, რომ დედამიწის დღე ყოველწლიური ღონისძიებაა, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად 1970 წელს აღინიშნა.
იხილეთ ფოტოები: