ჩოხატაურის მუნიციპალიტეტის სოფელ ქვენობნის საჯარო სკოლაში მოსწავლეებს გარემოს დაცვასა და მასზე ზრუნვას დაწყებითი კლასებიდანვე შთააგონებენ. სწორედ ამიტომ, ისინი სხვადასხვა გარემოსდაცვით აქტივობაში დიდი ენთუზიაზმით ერთვებიან.
ამჯერად, სკოლის მოსწავლეთა თვითმმართველობა დედამიწის დღესთან დაკავშირებით, ჩოხატაურის მუნიციპალიტეტის გამგეობის კულტურის სამსახურის მოწყობილ რაიონულ აქციაში „მაკულატურის შეგროვებაში“, მონაწილეობდა.
ბავშვებმა მოაგროვეს მაკულატურა და სანაცვლოდ მიიღეს ქართველ კლასიკურ მწერალთა თხზულებები, რომლებითაც სკოლის წიგნადი ფონდი შეავსეს.
სკოლა და სკოლის პედაგოგიური კოლექტივი მადლობას უხდის აქციის ორგანიზატორებს და ასევე ქვენობნის სოფლის რწმუნებულს - პაატა ჩხაიძეს გაწეული დახმარებისათვის.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი დედამიწის დღე ყოველწლიურად აღინიშნება 193 ქვეყანაზე მეტში.
იხილეთ ფოტოები:
