ახალქალაქის მუნიციპალიტეტის სოფელ ქარცეფის საჯარო სკოლაში სომეხთა გენოციდის დღესთან დაკავშირებით აქტივობები ჩატარდა.
სკოლის მოსწავლეებმა პედაგოგ ნვარდ საარისნის ხელმძღვანელობით ეს დღე კიდევ ერთხელ გაიხსენეს და ამ დღეს საინტერესო აქტივობები მიუძღვნეს.
ღონისძიებაზე მოსწავლეებმა 24 აპრილის შესახებ საინტერესო ინფორმაციები მოიძიეს, ლექსები წაიკითხეს, თემატური სიმღერები შეასრულეს და პოსტერი შექმნეს.
მათ, ასევე აღნიშნულ დღეს დაღუპულთა ხსოვნას პატივი მიაგეს.
სომხების გენოციდი - ოსმალეთის იმპერიის მმართველთა მიერ დაგეგმილი და განხორციელებული, დღევანდელი თურქეთის ტერიტორიაზე მცხოვრები სომეხი მოსახლეობის წინააღმდეგ ჩადენილი დანაშაული 1915-1918 წლებში, რომელიც მოყვა სომეხთა აჯანყებებს. გენოციდის დასაწყისად ითვლება 1915 წლის 24 აპრილი, როდესაც ოსმალურმა ხელისუფლებამ გადაწყვიტა აჯანყებისათვის დაესაჯა ეთნიკური სომხები, რომლებიც განუდგნენ მათ სახელმწიფოს და კონსტანტინოპოლში 250-მდე სომეხი ინტელექტუალი და სომხური დიასპორის მეთაური დააპატიმრა.
იხილეთ ფოტო-ვიდეომასალა:
