მარტვილის მუნიციპალიტეტის სოფელ ქვედა ნაგვაზაოს საჯარო სკოლაში დედამიწის დღესთან დაკავშირებით, მრავალფეროვანი აქტივობები ჩატარდა.
„გარემოზე ზრუნვა დღესდღეობით ერთ-ერთი ყველაზე მნიშვნელოვანი მისიაა“ - სწორედ ამ ხედვით გაიმართა დედამიწის დღესთან დაკავშირებული აქცია ქვედა ნაგვაზაოს საჯარო სკოლაში.
ეკოკლუბის წევრები დასუფთავებისა და გამწვანების აქციებში დიდი ენთუზიაზმით ჩაერთნენ. მათ ასევე შექმნეს თემატური პოსტერები - „ჩემი თვალით დანახული დედამიწა“.
აქტივობების მეშვეობით მათ გარემოს დაცვაში თავიანთი წვლილი შეიტანეს.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი ყოველწლიურად აღინიშნება 193 ქვეყანაზე მეტში.
იხილეთ ფოტოები: