„მე მზე მიყვარს ძალიან, მაგრამ მზე მიწაში ვერ აღწევს, ამიტომ, ბუნებრივია, სიკვდილის შემდეგ „მიწას კი არა, ცას უნდა მივაშურო“, - ეს სიტყვები ნოდარ დუმბაძეს ეკუთვნის, რომელიც კაცთმოყვარეობისა და სიყვარულის მქადაგებლად მოგვევლინა ამქვეყნად. გურული იუმორით გაზრდილ მოზარდს ბავშვობისდროინდელი მოგონებები ასაზრდოებდა, რომელიც სითბოთი და სიყვარულითაა განმსჭვალული. ამ სამყაროში შესვლა ერთი დიდი ბედნიერებაა“,- გვეუბნებიან ტყიბულის N6 საჯარო სკოლაში, სადაც მზიანი გულის მწერალს შთამბეჭდავი ღონისძიება მიეძღვნა.
ტყიბულის N6 საჯარო სკოლის მოსწავლეებმა ნოდარ დუმბაძის ცოცხალი იუმორი სცენაზე გააცოცხლეს. ზურიკელა, მე, ბებია, ილიკო, ილარიონი, ქალბატონი ანიკო, იანგული, ბოშები, იულია ბებია, ქიშვარდი - ყველანი მათი სტუმრები იყვნენ. აქტივობაში ჩაერთო სკოლის მოსწავლეთა უმრავლესობა.
მოზარდების სასახელოდ უნდა ითქვას, რომ მოსწავლეთა საოცარმა სცენურმა ოსტატობამ მოხიბლა მაყირებელი. აქტივობას ხელმძღვანელობდა ლიტერატურულ-შემოქმედებითი კლუბი დოდო ქათამაძის ხელმძღვანელობით (ქართული ენისა და ლიტერატურის კათედრა, ხელმძღვანელი - ცირა კუბლაშვილი).
„ვიდრე ცოცხლები ვართ, ერთმანეთს ხელი უნდა შევაშველოთ და ვეცადოთ როგორმე უკვდავყოთ ერთმანეთის სული“,- ნოდრ დუმბაძის ამ სიტყვებით დასრულდა ღონისძიება, რომელმაც გულგრილი არავინ დატოვა.
იხილეთ ფოტოები:
