მესტიის მუნიციპალიტეტის სოფელ ლენჯერის N1 საჯარო სკოლის პედაგოგები მოსწავლეებს გარემოს დაცვასა და ბუნების მოფრთხილებას ასწავლიან და მათი ეკოცნობიერების ამაღლებაზე ზრუნავენ.
„ჩვენი სამყარო სუფთა გარემოა“,- ამ ლოზუნგით სკოლის მოსწავლეებმა დედამიწის დღე აღნიშნეს.
პედაგოგებმა მოსწავლეებს მრავალფეროვან ეკოაქტივობები შესთავაზეს და ბავშვებს გარემოს დაცვისა და ბუნებრივი რესურსების დაზოგვის აუცილებლობა შეახსენეს. მოწაფეებმა სკოლის ეზოს მოვლა-პატრონობასა და გამწვანებაზე იზრუნეს, ბოლოს კი ერთხმად აღნიშნეს, რომ დედამიწა ჩვენი საერთო სახლია და მას მოვლა სჭირდება.
დედამიწის დღე — ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები. ის პირველად აღინიშნა 1970 წელს, დღესდღეობით კი დედამიწის დღე ყოველწლიურად აღინიშნება 193 ქვეყანაზე მეტში.
იხილეთ ფოტოები:
