გეზათის საჯარო სკოლის V კლასის მოსწავლეთა კვლევა და საინტერესო ბუნების გაკვეთილი
22-09-2023
აბაშის მუნიციპალიტეტის სოფელ გეზათის საჯარო სკოლის მოსწავლე-მასწავლებლებმა სასწავლო წელი დიდი შემართებით დაიწყეს.
სწავლასმოწყურებული მოსწავლეები სასწავლო პროცესში აქტიურად ჩაერთნენ, ამაზე კი მასწავლებლებმა აქტიურად იზრუნეს და ბავშვებს სახალისო და საინტერესო აქტივობები შესთავაზეს.
მათ შორის, მეტად საინტერესო სასწავლო პროცესი წარიმართა V კლასში ბუნების გაკვეთილზე. გაკვეთილის თემა გახლდათ - კვლევის მეთოდები. მოსწავლეებმა ექსპერიმენტები ჩაატარეს და გაარკვიეს, რომ მარილიან წყალში კვერცხი ტივტივებს, მტკნარში კი იძირება.
აღსანიშნავია, რომ პრაქტიკული საქმიანობა და ექსპერიმენტები მოსწავლეთა დიდ ინტერესსა და მეტ ჩართულობას იწვევს, შესაბამისად პედაგოგები აღნიშნულ აქტივობებს ხშირად მიმართავენ.
იხილეთ ფოტოები:
სკოლების სიახლეები
