„ჩვენ ქართველი ევროპელები ვართ!“ - უდაბნოს საჯარო სკოლაში საინტერესო ღონისძიება ჩატარდა
საგარეჯოს მუნიციპალიტეტის სოფელ უდაბნოს საჯარო სკოლაში სასწავლო წელი წარმატებით დასრულდა.
აკადემიური წლის განმავლობაში, სკოლაში არაერთი საინტერესო ღონისძიება და აქტივობა ჩატარდა, რომლებშიც მოსწავლეები დიდი მონდომებითა და ხალისით მონაწილეობდნენ.
ერთ-ერთი ასეთი ღონისძიება იყო - „ჩვენ ქართველი ევროპელები ვართ!“, რომელიც სკოლის V-VI კლასებში ჩატარდა.
ღონისძიების ორგანიზატორები იყვნენ: ინგლუსური ენის მასწავლებელი-ნინო საბაძე და ქართული ენისა და ლიტერატურის მასწავლებელი-როზა თავაძე.
ამ დღეს, მოსწავლეებმა საინტერესო თემებზე ისაუბრეს, ინფორმაციები მოიძიეს, ერთმანეთს გაუზიარეს და ცოდნა აიმაღლეს.
აღსანიშნავია, რომ მსგავსი ღონისძიებები და პროექტები მოსწავლეთა მრავალმხრივ განვითარებას უწყობს ხელს.
იხილეთ ფოტოები: