„სათამაშოების მაღაზიაში“ - გორელოვკის N1 სკოლის მე-2 კლასელთა როლური თამაში ინგლისური ენის ღია გაკვეთილზე
12-06-2023
ნინოწმინდის მუნიციპალიტეტის სოფელ გორელოვკის N1 საჯარო სკოლის ინგლისური ენის პედაგოგის - არმინე პალოიანის ხელმძღვანელობით მე-2 კლასში ჩატარდა ღია გაკვეთილი, თემაზე - „In a toy shop“.
გაკვეთილზე მოსწავლეებმა, თემასთან დაკავშირებით დავალებები შეასრულეს, კლასში საყვარელი სათამაშოები მიიტანეს და თანაკლასელთა წინაშე წარადგინეს.
როგორც სკოლაში გვიყვებიან, ბავშვებმა ითამაშეს როლური თამაში - „სათამაშოების მაღაზიაში“, გაკვეთილის ბოლოს კი, საინტერესო პოსტერი შექმნეს.
აღსანიშნავია, რომ გაკვეთილზე მოსწავლეებმა ენის კარგი ცოდნა გამოავლინეს, იყვნენ აქტიურები და ხალისიანად ერთვებოდნენ მასწავლებლის მიერ შეთავაზებულ დავალებებში.
იხილეთ ფოტოები:
სკოლების სიახლეები
