ნინოწმინდის მუნიციპალიტეტის სოფელ გორელოვკის N1 საჯარო სკოლა „ეკო სკოლის“ პროგრამაში ჩაერთო.

სკოლაში დირექტორმა პედაგოგებთან და სხვადასხვა საფეხურის მოსწავლეებთან საინფორმაციო შეხვედრა გამართა. სკოლის დირექტორმა მოსწავლეებს საერთაშორისო საგანმანათლებლო პროგრამის - „ეკო სკოლა“ შესახებ ინფორმაცია მიაწოდა.

პროგრამის უკეთ აღსაქმელად ამავე სკოლის, ქართული ენის მასწავლებელმა პროგრამის პრეზენტაცია ჩაატარა. 

ასევე, პროექტის სამომავლო წარმატებული სვლისთვის სკოლაში ეკოკომიტეტის არჩევნები ჩატარდა, შეიქმნა ეკოკომიტეტი, რომელიც  4 მასწავლებლისა და 11 მოსწავლისაგან შედგება.