„ჩვენ არ ვითვლით ქრომოსომებს, ნუ დაითვლი შენც!“ - კერძო სკოლა „ჰელიოსის“ მოსწავლეთა მოწოდება
24-03-2022
თბილისის კერძო სკოლა „ჰელიოსის“ მოსწავლეებმა დაუნის სინდრომის შესახებ ცნობიერების ამაღლების მსოფლიო დღე აღნიშნეს.
Iბ კლასის მოსწავლეები ლოზუნგს - „მეგობრები არ ითვლიან ქრომოსომებს“ შეუერთდნენ.
„46+1„ - უბრალო სიტყვები, რომელიც არ გვაძლევს უფლებას შეგვეცვალოს გრძნობები და დამოკიდებულება დაუნის სინდრომის მქონე ადამიანებისადმი. „ჩვენ არ ვითვლით ქრომოსომებს, ნუ დაითვლი შენც!“,- ასეთია მოსწავლეთა გზავნილი.
21 მარტი დაუნის სინდრომის საერთაშორისო დღედ გაერთიანებული ერების ორგანიზაციის ეგიდით 2011 წელს დაწესდა. მსოფლიო ამ დღეს დაუნის სინდრომის მქონე პირთა წინაშე არსებული გამოწვევების გარშემო ერთიანდება.
იხილეთ ფოტოები:
სკოლების სიახლეები
