ბოლო ზარის ტრადიცია საქართველოში დიდი ხანია არსებობს. სასწავლო წლის დასრულების შემდეგ ღონისძიება სკოლებში იმართება და მისი მთავარი გმირები გამოსაშვები კლასის მოსწავლეები არიან. მასწავლებლები კი ბავშვებს სკოლის დამთავრებასა და ახალი ცხოვრების დაწყებას ულოცავენ.

ესაა დღე, როდესაც 12 წლის განმავლობაში დაგროვილი მოგონებები ერთად იყრის თავს, არის აჭრელებული თეთრი პერანგები, კეთილი სურვილები და ცოტა ცრემლიც... ბავშვები სკოლის კედლებს ემშვიდობებიან; ენანებათ უზრუნველ წლებთან გამომშვიდობება და ამასთანავე, უხარიათ ახალ საფეხურზე გადაბიჯება - წინ შეუცნობელი სამყარო ელით, მეტი პასუხისმგებლობით, ცხოვრებისეული ბარიერებითა და უამრავი წარმატებით.

ბოლო ზარი დაირეკა ნინოწმინდის მუნიციპალიტეტის, გორელოვკის N1 საჯარო სკოლაში -  მოსწავლეები და მასწავლებლები დაემშვიდობნენ მე-12 კლასის კურსდამთავრებულებს, პანდემიის რეგულაციებიდან გამომდინარე, მოკრძალებული ღონისძიება ჩატარდა,  მეეთორმეტეკლასელებს გამოემშვიდობნენ და გზა დაულოცეს სკოლის დირექტორმა ტატიანა კარევამ, კლასის დამრიგებელმა - იადონა ზედგინიძემ და ბავშვებთან ერთად, გადაიღეს სამახსოვრო ფოტოები.