„ჩვენ არ ვითვლით ქრომოსომებს“- ამ ლოზუნგით, წყალტუბოს მუნიციპალიტეტის სოფელ მაღლაკის საჯარო სკოლაში დაუნის სინდრომის მსოფლიო დღე აღნიშნეს.
„21 მარტი დაუნის სინდრომის საერთაშორისო დღეა. მოსწავლეებს ვესაუბრეთ და გავაცანით ინფორმაცია დაუნის სინდრომის შესახებ. ბავშვებმა საუბრის შემდეგ გაიაზრეს, რომ დაუნის სინდრომიანი ბავშვებიც საზოგადოების სრულფასოვანი წევრები არიან, ისინი სამყაროს ფერად ფერებში აღიქვამენ, უყვართ სითბო და მოფერება, ამიტომ მათ მზის შვილებს ეძახიან“,- აღნიშნულია სკოლის მიერ მოწოდებულ ინფორმაციაში.
დაუნის სინდრომის საერთაშორისო დღედ 21 მარტი 2011 წლიდან გაერთიანებული ერების ორგანიზაციის ეგიდით დაწესდა. მსოფლიოს ბევრ ქვეყანაში და მათ შორის საქართველოშიც, ამ დღეს დაუნის სინდრომის შესახებ ცნობიერების ამაღლებისა და საზოგადოების მეტად ინფორმირების მიზნით სხვადასხვა ღონისძიება იმართება.
იხილეთ ფოტოები
