გორელოვკის N1 სკოლის დირექტორმა და მასწავლებლებმა გარე დაკვირვება წარმატებით გაიარეს
03-12-2020
ნინოწმინდის მუნიციპალიტეტის სოფელ გორელოვკის N1 საჯარო სკოლის მასწავლებლები პროფესიულ განვითარებასა და კარიერულ წინსვლაზე აქტიურად ზრუნავენ.
სკოლის დირექტორმა და რუსული ენის მასწავლებელმა, ტატიანა კარევამ, ბიოლოგიის და ბუნებისმეტყველების პედაგოგმა, ნანა ბაღიშვილმა და ინგლისური ენის მასწავლებელმა, ნინო ქერაშვილმა გარე დაკვირვება წარმატებით გაიარეს და აიღეს 4 კრედიტი. მასწავლებლები სტატუსის ცვლილებას და წამყვანი მასწავლებლის სტატუსს ელოდებიან.
მასწავლებელთა პროფესიული განვითარებისა და კარიერული წინსვლის სქემის მიხედვით, პედაგოგები კატეგორიებად ნაწილდებიან. მასწავლებელს სქემა საშუალებას აძლევს, კატეგორიაში დაწინაურდეს და შესაბამისად უფრო მეტი ანაზღაურებაც მიიღოს.
სკოლების სიახლეები
