ნინოწმინდის მუნიციპალიტეტის სოფელ გორელოვკის N1 საჯარო სკოლაში მოსწავლეთა წარმატებით ხარობენ.
სკოლის მე-11 კლასის მოსწავლეებმა - ვლადიმერ კუზნეცოვმა და ვლადიმერ სმოროდინმა მონაწილეობა მიიღეს ვიდეორგოლების კონკურსში - „ჯავახეთის ფერები“ და საპატიო პირველი ადგილი დაიკავეს.
ეს შემოქმედებითი კონკურსი ორგანიზებული იყო ნინოწმინდის მუნიციპალიტეტის განათლების, კულტურისა და ძეგლთა დაცვის განყოფილების მიერ.
როგორც სკოლაში გვეუბნებიან, ჟიურის მაღალმა შეფასებამ დაამტკიცა, რომ მოსწავლეთა ნიჭი და მონდომება ყოველთვის აღწევს დამსახურებულ წარმატებას.
„ვულოცავთ ჩვენს მოსწავლეებს დიპლომებსა და ფასეულ საჩუქრებს! ეს მნიშვნელოვანი გამარჯვება მუნიციპალურ დონეზე შესანიშნავი სტარტია მეთერთმეტეკლასელებისთვის. ის არა მხოლოდ შეავსებს მათ პირად პორტფოლიოს, არამედ ახალ პერსპექტივებსაც გაუხსნის: გახდება საიმედო ნაბიჯი მომავალი აკადემიური წარმატებებისკენ, მასშტაბურ ახალგაზრდულ პროექტებსა თუ გრანტებში მონაწილეობისკენ.
გულწრფელ მადლობას ვუხდით ნინოწმინდის მერიას და განათლების, კულტურისა და ძეგლთა დაცვის განყოფილებას ასეთი შესანიშნავი ღონისძიების ორგანიზებისთვის. გმადლობთ მოცემული შესაძლებლობისათვის, რომელიც ეხმარება ჩვენს შვილებს განვითარებაში, საკუთარი ნიჭის გამოვლენაში და მათ წინაშე ახალ ჰორიზონტებს ხსნის!“,- აღნიშნავენ სკოლაში.
იხილეთ ფოტოები:
