ნინოწმინდის მუნიციპალიტეტის სოფელ გორელოვკის N1 საჯარო სკოლაში ჩატარდა სამახსოვრო ღონისძიება, რომელიც მიეძღვნა უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ის ცხოვრებასა და სულიერ მემკვიდრეობას.
ისტორიის მასწავლებელმა, ლიუბოვ დემინოვამ უფროსკლასელებისთვის ჩაატარა ლექცია-სემინარი - „პატრიარქის ეპოქა“. მოსწავლეებმა მოისმინეს ინფორმაცია ილია II-ის შეუფასებელ წვლილზე ქართული სულიერების აღორძინებაში, ავტოკეფალიის აღდგენასა და იმ ტაძრების მშენებლობაში, რომლებიც თანამედროვე საქართველოს სიმბოლოებად იქცნენ.
შეხვედრის პროგრამა მოიცავდა:
- ისტორიულ მიმოხილვას: პატრიარქის ცხოვრების გზა - ახალგაზრდა იერონონქობიდან ერის სულიერ მამობამდე;
- დოკუმენტური ფილმის ჩვენებას: კადრები, რომლებმაც ასახა მისი 48-წლიანი მოღვაწეობის ყველაზე მნიშვნელოვანი და ამაღელვებელი მომენტებილ
- დისკუსიას: მოსწავლეებმა იმსჯელეს პატრიარქის დარიგებებზე - სიყვარულის, მოთმინებისა და განათლების მნიშვნელობაზე ჩვენს ყოველდღიურ ცხოვრებაში.
როგორც სკოლაში აღნიშნავენ, ეს ღონისძიება არ იყო მხოლოდ ისტორიის გაკვეთილი, ეს იყო ერთიანობისა და იმ ადამიანისადმი ღრმა პატივისცემის მომენტი, რომლის სახელიც სამუდამოდ ჩაიწერა ჩვენი ქვეყნის ოქროს მატიანეში.
იხილეთ ფოტოები:
