„ჩემი მოგზაურობა თბილისში“ - გორელოვკის N1 სკოლის მოსწავლეთა საინტერესო კომპლექსური დავალება და შთამბეჭდავი საგანმანათლებლო თავგადასავალი
17-03-2026
ნინოწმინდის მუნიციპალიტეტის სოფელ გორელოვკის N1 საჯარო სკოლაში კომპლექსური დავალებებით სწავლება წარმატებით მიმდინარეობს.
აღსანიშნავია მე-7 კლასელთა ქართული ენის კომპლექსური დავალება თემაზე - „ჩემი მოგზაურობა“, რომელიც მოსწავლეებს პედაგოგმა - ლია გოგოლაძემ შესთავაზა და მე-7 კლასელებისთვის მეტად საინტერესო და შემეცნებითი აღმოჩნდა.
როგორც სკოლაში გვეუბნებიან, დავალების მთავარი თემა იყო - „ჩემი მოგზაურობა თბილისში“.
მოსწავლეებმა დიდი ენთუზიაზმით გაუზიარეს ერთმანეთს დედაქალაქში მიღებული შთაბეჭდილებები.
პროექტის ფარგლებში ბავშვებმა ისაუბრეს:
- თბილისის ისტორიულ ძეგლებსა და ღირსშესანიშნაობებზე;
- დედაქალაქის ქუჩებში სეირნობისას მიღებულ ემოციებზე;
- ქართული კულტურისა და ტრადიციების მნიშვნელობაზე.
პედაგოგის თქმით, მსგავსი კომპლექსური დავალებები ეხმარება მოსწავლეებს სახელმწიფო ენის უკეთ ათვისებაში, მეტყველების განვითარებასა და შემოქმედებითი უნარების გამოვლენაში.
იხილეთ ფოტოები:
სკოლების სიახლეები
