ნინოწმინდის მუნიციპალიტეტის სოფელ გორელოვკის N1 საჯარო სკოლაში ქალთა საერთაშორისო დღის აღსანიშნავად საზეიმო კონცერტი გაიმართა.
ღონსძიებამ მთელი სკოლა გააერთიანა - საზეიმო სანახაობაში სხვდასხვა კლასის მოსწავლეები მონაწილეობდნენ. მათ მასწავლებლებსა და მშობლებს ლამაზი მუსიკალური ნომრები, ლექსები და ცეკვები მიუძღვნეს.
კონცერტი განსაკუთრებით ემოციური აღმოჩნდა: დაწყებითი კლასის მოსწავლეებმა დედებს საკუთარი ხელით დამზადებული საჩუქრები გადასცეს.
უფროსკლასელებმა კი სკოლაში მყოფ ყველა დედას ულამაზესი ყვავილები მიართვეს და დღესასწაული მიულოცეს.
ღონისძიებამ ძალიან თბილ და სიყვარულით სავსე გარემოში ჩაიარა.