გორელოვკის N1 საჯარო სკოლის პირველკლასელებმა ანბანის სწავლა ღონისძიებით დაიწყეს
27-10-2025
ნინოწმინდის მუნიციპალიტეტის სოფელ გორელოვკის N1 საჯარო სკოლის პირველკლასელებმა ანბანის სწავლა საზეიმოდ დაიწყეს.
მოსწავლეთა პირველი საანბანო გაკვეთილი მეტად საინტერესოდ წარიმართა. ქართული ენის მასწავლებელმა- ნარგიზ პოდოსიანმა პატარებთან ერთად შექმნა საინტერესო და შინაარსიანი სასწავლო რესურსები.
საზეიმო გაკვეთილი ღონისძიებაში გადაიზარდა. პატარებმა წამოაჩინეს წინასაანბანო პერიოდში შეძენილი ცოდნა და უნარ-ჩვევები და საზეიმო აქტივობებსაც წარმატებით გაართვეს თავი - იმღერეს, წაიკითხეს ლექსები.
ღონისძიებას ესწრებოდნენ პირველკლასელთა მშობლები და სკოლის მასწავლებლები.
ღონისძიების დასასრულს სკოლის დირექტორმა პირველკლასელებს საჩუქრად გადასცა ასაწყობი ქართული ანბანი და საანბანო პერიოდის დაწყება დიდი სიყვარულით მიულოცა.
იხილეთ ფოტო-ვიდეომასალა:
სკოლების სიახლეები
