კერძო სკოლა „ჰელიოსში“ მოსწავლეთა შემოქმედებითობა წახალისებულია.
„ალბათ, დაგვეთანხმებით რომ მოსწავლეთა შემოქმედებითი და წარმოსახვითი უნარების დახვეწა/განვითარება სწავლების პროცესის განუყოფელი ნაწილია“,- აღნიშნავენ სკოლაში, სადაც სწორედ ამ მიზანს ემსახურებოდა VIბ კლასში ჩატარებული აქტივობა - „მოისაზრე, დაწერე და გააცოცხლე“.
მოსწავლეებმა შეისწავლეს სულხან-საბა ორბელიანისა და ეზოპეს იგავები. დისკუსიისა და იგავების გააანალიზების შემდეგ, თავად მოირგეს მეიგავის როლები - პირველ ეტაპზე შეარჩიეს ანდაზები, შემდეგ კი, შერჩეული ანზადების მიხედვით დაწერეს იგავ-არაკები, რომელიც იმავე სიბრძნესა და მორალს ატარებდა, რასაც ანდაზები.
„ჩვენს მოსწავლეებს არ უჭირთ შემოქმედებითად ფიქრი და კრეატიულად აზროვნება“,- სიამაყით აღნიშნავენ სკოლაში და მოსწავლეებს კიდევ არაერთ შთამბეჭდავ აქტივობას ჰპირდებიან.
