გორელოვკის N1 საჯარო სკოლის მოსწავლეებმა ზამთარი ღონისძიებით გააცილეს
04-03-2025
ნინოწმინდის მუნიციპალიტეტის სოფელ გორელოვკის N1 საჯარო სკოლაში ზამთარს ღონისძიებით გამოემშვიდობნენ და გაზაფხულს ზარ-ზეიმით შეეგებნენ.
მოსწავლეებმა გამოაცხვეს ბლინები, ხოლო რუსული ენისა და ლიტერატურის მასწავლებელმა, იულია გონჩაროვამ, პრეზენტაცია წარადგინა.
მან მოსწავლეებს გააცნო, როგორ აღნიშნავენ ყველიერის, სლავური „მასლენიცას“ დღესასწაულს სხვადასხვა ქვეყნებში.
ღონისძიების ფარგლებში მოსწავლეებმა მონაწილეობა მიიღეს მხიარულ თამაშებში, რომელიც სკოლის ბიბლიოთეკარმა, კრისტინა კრასნიკოვამ ჩაატარა.
ტრადიციისამებრ, დასასრულს მოსწავლეებმა და მასწავლებლებმა ზამთრის სიმბოლური საფრთხობელა დაწვეს, რითაც ზამთრის სეზონს საბოლოოდ დაემშვიდობნენ.
იხილეთ ფოტოები:
სკოლების სიახლეები
საქართველოს საპატრიარქოს წმიდა თამარ მეფის სახელობის სკოლა-გიმნაზიაში „ვერის უბნის მელოდიები“ დაიდგა
