საგარეჯოს მუნიციპალიტეტის სოფელ უდაბნოს საჯარო სკოლაში მოსწავლეები ეროვნულ ღირებულებებსა და ფასეულობებზე იზრდებიან, პედაგოგები მათ სამშობლოსადმი სიყვარულს უღვივებენ და პატრიოტიზმს ასწავლიან.
ამჯერად, უდაბნოს საჯარო სკოლაში გაიმართა ღონისძიება პატრიოტულ თემაზე, მასში დიდი ენთუზიაზმით მონაწილეობდნენ დაწყებითი საფეხურის მოსწავლეები.
აღსანიშნავია, რომ ღონისძიების ორგანიზატორი მუსიკის მასწავლებელი ნათია საბაშვილი გახლდათ.
ღონისძიებაზე ბავშვებმა წაიკითხეს პატრიოტული თემატიკის ლექსები და იმღერეს შესაბამისი სიმღერები და კიდევ ერთხელ დააფასეს თავიანთი ქვეყანა.
პატარებმა საგანგებოდ მოაწყვეს სცენა და საზეიმოდ გამოწყობილებმა შთამბეჭდავი სანახაობა დადგეს.
აღსანიშნავია, რომ ღონისძიებაზე მოწვეულ სტუმრებს შორის იყვნენ მშობლები და სხვა დაინტერესებული პირები.
როგორც სკოლაში აღნიშნავენ, ღონისძიება საინტერესო და შთამბეჭდავი გამოვიდა.
იხილეთ ფოტოები:
