მარნეულის მუნიციპალიტეტის სოფელ ქვემო სარალის საჯარო სკოლის დირექცია და პედაგოგები მოსწავლეებს აძლევენ როგორც ხარისხიან საგნობრივ ცოდნას, ასევე სხვადასხვა მნიშვნელოვანი საკითხის შესახებ მათი ცნობიერების ამაღლებაზე ზრუნავენ.
„არა ნაადრევ ქორწინებას!“ - ამ დევიზით ჩატარდა საინტერესო პროექტის პრეზენტაცია ქვემო სარალის საჯარო სკოლაში.
მე-9 კლასელებმა დაამზადეს პოსტერები, პრეზენტაციები, ჩაატარეს გამოკითხვა უფროსკლასელებთან.
ღონისძიებაში ჩაერთო სკოლის კურსდამთავრებული და ადრეული ქორწინების საზიანო პრაქტიკაზე ისაუბრა ილიაუნის ფსიქოლოგიის ფაკულტეტის სტუდენტმა - ნარმინ მუსტაფაევამ.
შეხვედრა მეტად საინტერესოდ წარიმართა.
სკოლის მოსწავლე-მასწავლებლებმა ერთხმად აღნიშნეს, რომ ადრეული ქორწინება ადამიანის უფლებების უპირობო დარღვევაა და მას ყველა წინ უნდა აღუდგეს.
იხილეთ ფოტოები:
