ქუთაისის N7 საჯარო სკოლაში ღირესულ მოქალაქეებს ზრდიან და საგნობრივ ცოდნასთან ერთად, კაცთმოყვარეობასა და სიკეთის კეთებას ასწავლიან.
სწორედ ამ მოტივით, სასკოლო საზოგადოება ერთიანდება დევიზის - „სიკეთე სანაცვალგარდოა“, ირგვლივ და აქტიურად მართავს საქველმოქმედო აქციებს.
ამჯერად, სკოლაში „მეწარმეობის ბაზრის“ გამართვის შემდეგ განხორციელდა საქველმოქმედო ღონისძიება.
მოსწავლეთა თვითმმართველობისა და სამოქალაქო კლუბის - „მე და სამართლიანი სამყაროს“, წევრებმა - თამარ კვიტატიანმა, ანამარია არიშვილმა, ბარბარე ბერეკაშვილმა და ბარბარე გუდაძემ, ითანამშრომლეს „უქიმერიონის“ ადმინისტრაციულ ცენტრთან საქველმოქმედო მიზნით და სკოლის სახელით, სოციალურად დაუცველ ოჯახს, დაეხმარნენ.
აღსანიშნავია, რომ აქტივობის მიზანი: მოსწავლეებში სამოქალაქო ცნობიერების ამაღლება; ემპათიის გრძნობისა და თანამშრომლობითი უნარების განვითარება იყო.
საქველმოქმედო აქციას ხელმძღვანელობდნენ პედაგოგები: ინგა კვერნაძე და ზაიარა ტყაბლაძე.
იხილეთ ფოტოები:
