ომარ ასლანიძის სახელობის ქობულეთის მუნიციპალიტეტის სოფელ ჯიხანჯურის საჯარო სკოლის პედაგოგები მოსწავლეებს მოტივაციის ამაღლებისა და სასწავლო პროცესში ჩართულობის გაზრდის მიზნით, არაერთ საინტერესო აქტივობას სთავაზობენ.
სკოლაში დედის დღე განსაკუთრებულად აღინიშნა. ამ დღესთან დაკავშირებით, მე-2 ბ კლასის მოსწავლეებმა დამრიგებელ - თამუნა ბერიძის ხელმძღვანელობით, ღია ცის ქვეშ შესანიშნავი ზეიმი გამართეს. მათ ლექსები წაიკითხეს, იმღერეს, შემოქმედებითი უნარები წარმოაჩინეს და ასე, დიდი სიყვარულით მიულოცეს დედებს 3 მარტი.
ეს დღე ძალიან ემოციური იყო.
„დედავ, სიცოცხლის დიდო საწყისო ეს გული შენით მუდამ ხალისობს“, - ეს სიტყვები თან ახლდა აღნიშნულ ღონისძიებას.
მსგავსი აქტივობები და ღონისძიებები მოსწავლეთა მრავალმხრივ განვითარებას ხელს უწყობს, რაზეც სკოლაში აქტიურად ზრუნავენ.
იხილეთ ფოტო-ვიდეომასალა:
