წალენჯიხის N6 საჯარო სკოლაში, სასწავლო წლის განმავლობაში, არაერთი საინტერესო აქტივობა ეწყობა.
ამჯერად, როგორც სკოლის დირექტორი - მაია მესხია გვიყვება, მუსიკის პედაგოგ ნათია მიქავას ინიციატივით, ღონისძიება - „გამოიცანი მელოდია“ ჩატარდა. მისივე თქმით, მოსწავლეების აქტიურობამ ზენიტს მიაღწია. ჟიური და დამსწრე საზოგადოებაც ემოციას ვერ მალავდა. მონაწილე გუნდები პედაგოგმა სიგელით და დიპლომით დააჯილდოვა.
ჟიურიმ ნომინაციაში - „დღის ტალანტი“ ორი მოსწავლე - ბარბარე ღვინჯილია და გიორგი ალასკაროვი გამოავლინა, ისინი ხელმძღვანელმა მასწავლებელმა ფასიანი საჩუქრებით დააჯილდოვა.
„მადლობით მინდა დავიწყო და ეს მადლობა ეკუთვნის ჩვენი სკოლის „ჭრიჭინას“, მუსიკის პედაგოგს - ნათია მიქავას, რომელიც სისტემატიურად გვანებივრებს სხვადასხვა მუსიკალური ნომრებით. მიყვარხართ, მეამაყებით და მეიმედებით“,- წერს სკოლის დირექტორი მაია მესხია.
იხილეთ ფოტოები: