რუსთავის N16 საჯარო სკოლაში საქართველოს პირველი დემოკრატიული რესპუბლიკის 100 წლის იუბილე აღნიშნეს. 

სკოლის აღსაზრდელემა სკოლის ეზოში ღონისძიება ჩაატარეს, ეროვნული სამოსით შეიმოსნენ და 1918-1921 წლების მოვლენებსა და ქართველი ერის დამოუკიდებლობისთვის ბრძოლის შესახებ ისაუბრეს. 

სკოლის აღსაზრდელებმა ასევე ქორეოგრაფიული ნომრები შეასრულეს.

სკოლის დირექტორმა და პედაგოგებმა აღსაზრდელებს სახალხო დღესასწაული მიულოცეს. ღონისძიების ბოლოს კი მოსწავლეებმა ჰაერში მტრედები გაუშვეს.

წელს საქართველო პირველი დემოკრატიული რესპუბლიკის გამოცხადების 100 წლის იუბილეს აღნიშნავს.

100 წლის წინ, 1918 წლის 26 მაისს საქართველომ დამოუკიდებლობა  გამოაცხადა. პირველმა დემოკრატიულმა რესპუბლიკამ მხოლოდ სამ წელს იარსება და 1921 წლის 25 თებერვალს  წითელი არმიის შემოჭრის შემდეგ, არსებობა შეწყვიტა. ქვეყანამ დამოუკიდებლობა 1991 წლის 9 აპრილს, 1918 წლის დეკლარაციის საფუძველზე აღადგინა.

იხილეთ ფოტოები