ნინოწმინდის მუნიციპალიტეტის სოფელ გორელოვკის N3 საჯარო სკოლაში ჩატარდა დედის დღისადმი მიძღვნილი ღონისძიება.
ბავშვები დამსწრე საზოგადოების წინაშე მრავალფეროვანი საზეიმო პროგრამით წარდგნენ და დედებსა და მასწავლებლებს დაუვიწყარი წუთები აჩუქეს.
ზეიმი დაიწყო „სლაიდებით“, სადაც წარმოდგენილი იყო დედებისა და შვილების ფოტოსურათები, რამაც მშობლებს განსაკუთრებული ემოცია მოჰგვარა. პატარებმა დედიკოებს აჩუქეს იები/ფურუსულები, ასევე შეასრულეს სიმღერები, ცეკვები, მინი-სპექტაკლები გაითამაშეს და მხატვრულად წაიკითხეს ლექსები.
მოსწავლეებმა ნიჭი და შესაძლებლობები წარმოაჩინეს და მშობლებს სიამაყის საფუძველი კიდევ ერთხელ მისცეს.
აღსანიშნავია, რომ გორელოვკის N3 საჯარო სკოლაში მოსწავლეთა შემოქმედებითი ნიჭის და უნარების განვითარებას დიდი ყურადღება ექცევა.
იხილეთ ფოტოები:
