დიდი ჭყონის N1 საჯარო სკოლის მოსწავლეებმა დედის როლსა და ამაგს ლექსებით შეასხეს ხოტბა
06-03-2024
მარტვილის მუნიციპალიტეტის სოფელ დიდი ჭყონის N1 საჯარო სკოლაში სასწავლო წელი მრავალფეროვანი, სახალისო და საინტერესო აქტივობებითაა დატვირთული, რომლებშიც მოსწავლეები დიდი მონდომებით ერთვებიან.
სკოლაში დედის დღე საინტერესოდ აღინიშნა. მე-7 კლასელებმა, პედაგოგ რუსუდან გაგუას ხელმძღვანელობით, ამ დღესთან დაკავშირებით, ლექსები წაიკითხეს და ასე მიულოცეს საყვარელ დედებს 3 მარტი.
მოსწავლეთა წარმოთქმულ ლექსებში დედების მიმართ დიდი სიყვარული, პატივისცემა და მადლიერება იგრძნობოდა.
აქტივობაში ისინი დიდი ენთუზიაზმით მონაწილეობდნენ.
აღსანიშნავია, რომ მსგავსი ღონისძიებები მოსწავლეთა შემოქმედებითი უნარების წარმოჩენა-განვითარებას ხელს უწყობს.
იხილეთ ფოტო-ვიდეომასალა:
სკოლების სიახლეები
