ქობულეთის მუნიციპალიტეტის სოფელ აჭყვას საჯარო სკოლის პედაგოგები აქტიურად ზრუნავენ მოსწვალეებისთვის სასწავლო პროცესი მეტად მრავალფეროვანი გახადონ, შესაბამისად მათ საინტერესო გაკვეთილებს სთავაზობენ.
ამჯერად, მე-6 კლასის მოსწავლეებმა, ქართული ენისა და ლიტერატურის წამყვანი მასწავლებლის - ირინე გორგაძის ხელმძღვანელობით, ჩაატარეს საინტერესო გაკვეთილი - „ლიტერატურული გასამართლება“.
გაკვეთილი, ვაჟა-ფშაველას ნაწარმოების - „შვლის ნუკრის ნაამბობის“, მიხედვით გაიმართა და როგორც სკოლაში გვიყვებიან, მისი მნიშვნელოვანი მეთოდი - „როლური თამაში“,იყო.
აღსანიშნავია, რომ მოსწავლეებმა განაწილებული როლები კარგად მოირგეს და მშობლების მხურვალე ტაშიც დაიმსახურეს.
სკოლაში მადლობას უხდიან თითოეულ მოსწავლესა და მშობელს აქტიური ჩართულობისთვის და ემოციებით დატვირთული დღისთვის.
იხილეთ ფოტოები:
